Kryeministri i Republikës së Kosovës, Albin Kurti, të enjten e 19 tetorit është takuar me të ngarkuarin me punë të ambasadës së Malit të Zi në Republikën e Kosovës, Bernard Ҫobaj.
Sipas komunikatës për media të Zyrës së Kryeministrit, në këtë takim u bisedua për dinamizimin e marrëdhënieve bilaterale në mes të dy vendeve nëpërmjet avancimit te bashkëpunimit në fushën e ekonomisë, të shkëmbimeve tregtare, të teknologjisë së informacionit dhe të kulturës.
Gjatë këtij takimi u theksuan projektet e përbashkëta infrastrukturore, të cilat do të rrisnin mobilitetin duke lehtësuar shkëmbimin e mallrave e lëvizjen e qytetarëve, do të hapin mundësitë e zhvillimit si dhe do të afrojnë edhe më shumë Republikën e Kosovës dhe Malin e Zi.