Kompania Rajonale e Ujësjellësit “Prishtina” ka njoftuar se ka vendosur një autobot me ujë në Graçanicë, që nga ora 9:00 e mëngjesit, për të shpërndarë ujë të pijes për qytetarët.
KRU “Prishtina” ka bërë të ditur përmes një njoftimi në rrjetin social Facebook, ku ka thënë se “ju njoftojmë se autoboti është i stacionuar në Graçanicë që nga ora 09:00”.
Ata kanë bërë të ditur se gjatë ditës do të vendosen autobote edhe për zonat e tjera.
Ndryshe, Instituti Kombëtar i Shëndetësisë Publike të Kosovës (IKSHPK) u ka bërë thirrje të enjten në orët e vona qytetarëve të cilët furnizohen nga Fabrika e ujit në liqenin e Badovcit që të mos përdoret uji për pije dhe përgatitje të ushqimit, pasi analizat e mostrave të ujit në rezultatet laboratorike kanë treguar se ka vlera të rritura të manganit.