Në emisionin “Rreth e Rrotull”, kryetari i Sindikatës së Sektorit Privat, Jusuf Azemi, ka thënë se kryetarët e shoqatave sindikale të punëtorëve të sektorit privat do të mbajnë një takim të jashtëzakonshëm me këto shoqata, lidhur me marrjen e vendimit për fillimin e protestave dhe grevave për rritjen e pagave.
“Nga kërkesat e shumta të sindikatave të sektorit privat të Kosovës që të merremi me problemet e tyre, atëherë ne është dashur që afatin kohor që kemi paraparë për këto takime, ta shkurtojmë dhe të mbajmë takim në ora 14:00 me Shoqatën sindikale të punëtorëve të Qendrës Studentore… dhe punëtorët e tjerë teknikë”, ka thënë Azemi.
Tutje, ai ka theksuar se “pagat dhe kushtet e punës nuk janë në nivelin e duhur dhe ne sot duhet të marrim një vendim për futjen e protestës në grevë, të të gjitha këtyre shoqatave të cilat do t’i kemi prezent sot këtu”.
“Nuk duam të punojmë më për 230 euro kurrë, e kuptojmë situata është shumë e mirë përderisa në parlamentin e Kosovës, ata në njëfarë forme, gjejnë zgjidhje e mjete për pozicionet e tyre që të gjejnë edhe asistent nga 600 euro”, vijon ai.