Në një park argëtimi në Kolorado, një burrë 20-vjeçar, i armatosur me armë dhe pajisje shpërthyese, u gjet i vdekur me një plagë të vetëshkaktuar.
Siç ka raportuar CNN, autoritetet dyshojnë se ai mund të kishte planifikuar një sulm të rëndë, por fatmirësisht nuk arriti të kryejë asgjë të tillë.
Një 20-vjeçar, i dyshuar për planifikimin e një sulmi, kishte hyrë në park, ndërsa ishte mbyllur dhe ishte i pajisur me një sasi armësh dhe veshje mbrojtëse.
“Jemi me fat që ai nuk përmbushi çfarëdo plani që kishte. Mund të shkaktonte pasoja shkatërruese në komunitet, potencialisht të vriste njerëz”, kanë deklaruar autoritetet.
Gjatë hetimit, u gjet një letër që ndihmon për t’i zbuluar motivet e mundshme të 20-vjeçarit.
“Nuk jam vrasës. Vetëm doja të shkoja te shpellat”, shkruante në letër.
Autoritetet mendojnë se kjo letër ka lidhje me sjelljen e tij dhe mund të japë informacion shtesë për ngjarjen.