Tetë deputetë opozitarë në Shqipëri nuk janë lejuar që të hyjnë në kryesinë e Kuvendit si pasojë e përjashtimit nga sekretariati i etikës.
Deputetët që janë drejtuar për në Kryesi për të marrë pjesë në mbledhjen e thirrur nga Gazment Bardhi, janë ndaluar nga Garda e Republikës që kanë marrë urdhër të tillë, shkruan TopChannel.
Deputeti Flamur Noka ka hyrë me forcë duke kapërcyer barrierat, me ç’rast është futur në oborrin e Kuvendit.
Në anën tjetër, deputeti Dashnor Sula ka bërë thirrje që të lejohen brenda.
Bardhi ka thënë për mediat që aksioni opozitar sot e ka treguar fytyrën e vërtetë të kryeministrit Edi Rama.
“T’u tregojmë të gjithë shqiptarëve se çfarë është në gjendje të bëjë Edi Rama. Kaq shumë gardistë të Gardës së Republikës nuk u çohen krimit dhe bandave, i nxirren deputetëve të opozitës. Ne nuk kemi ndonjë betejë me Gardën e Republikës, por kjo është fytyra e tyre. Mos m’i ktheni mua kamerat, kthejuani atyre”, ka thënë Bardhi.
Ndërsa, Berisha u ka folur gazetarëve nga dritarja e Kryesisë, ku më parë kishin hyrë me forcë deputetët e përjashtuar.
