Veprimet të cilat tani po ndërmerren do të përcktojnë të ardhmen e brezave që do të vijnë, dhe tani duhet të jetë koha për secilin që të mos vazhdojnë më piroritizimin e fitimit mbi njerëz.
Ndotja e ajrit është problemi kyç, që në bazë të statistikave nga studimet e bëra së fundi dhe të nxjerra në revistën The Lancet Planetary Health po merr jetën e 9 milionë njerëzve çdo vit.
Rachael Kupka është pjesë e një aleance globale mbi shëndetin dhe ndotjen.
“Ne po shohim një rritje të numrit të vdekjeve nga ndotja moderne. Dhe ajo që dua të them me ndotjen moderne është ajo që shkaktohet nga industrializimi, urbanizimi. Anasjelltas, ne po shohim një ulje të numrit të vdekjeve nga ndotja tradicionale”.
”E drejtë. Kjo është një ndotje e lidhur me varfërinë. Është ajo e shkaktuar nga sobat e brendshme të kuzhinës ose uji dhe kanalizimet. Dhe për shkak të sasisë së investimit që është bërë në ato zona, ne me të vërtetë po shohim që këto shifra të ulen. Dhe kështu efekti i përgjithshëm neto është në fakt se ka të njëjtin numër vdekjesh. Pra, përmirësimet që po shohim në ndotjen tradicionale po kompensohen nga kjo rritje e vdekjeve nga ndotja moderne.”, ka thënë Kupka.
Tutje, Kupka thotë se vdekjet e shkaktuara nga ekspozimi ndaj ndotësve modernë janë rritur me 66% që nga viti 2000.
Disa kryeqytete kanë pasur sukses në trajtimin e ndotjes, duke përfshirë Bangkok dhe Mexico City.
Por, nivelet e ndotjes vazhdojnë të rriten në qytetet më të vogla. Vendet afrikane janë ndër vendet më të prekura nga vdekjet nga ndotja.
Sipas Rachael Kupka, ky nuk është një problem që mund të zgjidhet me gjysmëmasa. Ai shkon përtej efikasitetit të energjisë dhe zero emetimeve neto.