Ka përfunduar ndeshja mes Kosovës dhe Izraelit në stadiumin “Fadil Vokrri”, me rezultat 1 me 0.
Kombëtarja e Kosovës ka kaluar në avantazh kundër Izraelit pas një goli të shënuar në minutën e 41 në ndeshjen e parë.
Goli është shënuar nga Milot Rashica për të kaluar Kosovën në epërsi në duel me Izraelin.
Dardanët dhe izraelitët kanë luajtur në kuadër të kualifikimeve për EURO 2024.
Me fitoren e kësaj ndeshjeje, Kosova merr tre pikë në tabelë dhe kjo është fitorja e dytë e Kombëtares sonë në këtë cikël të garave.
Kosova tani ka dhjetë pikë në vendin e katërt, një me pak se Izraeli, kurse, Romania kryeson Grupin I me 16 pikë, një më shumë së Zvicra.
Ndërsa tani, Kosova sfidën e radhës do ta luajë më 18 nëntor në Bazel kundër Zvicrës.