Në kuadër të bashkëpunimit në fushën e mbrojtjes në mes të dy vendeve, Kosovës dhe Shqipërisë, pilotët e FSK-së kanë filluar të ndjekin në Bazën Ajrore të Farkës programin e rifreskimit teorik dhe praktik të fluturimeve me helikopter.
Ministria e Mbrojtjes ka njoftuar se ky program është i detyrueshëm për ekuipazhet për të mbajtur reflekset e fluturimit.
Maqedonci është shprehur mirënjohës ndaj homologut të tij nga Shqipëria, Niko Peleshi, për vullnetin dhe përkushtimin e tij
“Ministri Maqedonci u shpreh mirënjohës për vullnetin dhe përkushtimin e homologut të tij nga Shqipëria, ministrit Niko Peleshi, për të rritur bashkëpunimin dhe për të mbështetur FSK-në në ndërtimin e kapaciteteve të reja”, thuhet në njoftim.