Kryetari i Prishtinës, Përparim Rama, ia ka dorëzuar këngëtares kosovare me famë botërore e me rrënjë shqiptare, Rita Ora, çelësin e kryeqytetit.
Këtë e ka bërë të ditur përmes një videoje të postuar në rrjetin social Facebook, kryetari i Prishtinës, Përparim Rama.
“Në emër të Kryeqytetit, ju dhuruam “Çelësin e Qytetit” për emocionet e veçanta që na dhuroni, dhe Rita përfaqësimin e dinjitetshëm që na bën në mbarë botën”, ka shkruar Rama në rrjetin social Facebook.
Prezent në këtë ngjarje qe edhe ambasadori në largim i Britanisë së Madhe në Kosovë, Nicholas Abbott.
Ndryshe, këngëtarja me bagazhin ndërkombëtar ka qëndruar në Kosovë nga 26 nëntori, duke e festuar edhe ditëlindjen e saj këtu bashkë me bashkëshortin, Taika Waitit, në përvjetorin e 33-të.
(VIDEO) Rama e pret në aeroport, Rita Ora e emocionuar zbret në tokën e Kosovës