Kryetari i Prishtinës, Përparim Rama, ka reaguar për vrasjen e Liridona Murselit, duke thënë se të gjithë të përfshirët duhet të marrin dënimin meritor.
Këtë e ka bërë të ditur përmes një postimi në rrjetin social “Facebook”.
Rama ka thënë se vrasja e një gruaje nuk mund të justifikohet në asnjë mënyrë.
“Vrasja e një gruaje nuk mund të justifikohet në asnjë mënyrë. Është një shkelje flagrante e të drejtës themelore për të jetuar”, shkroi Rama.
“Rrethanat në të cilat ka ndodhur kjo vrasje e bën edhe më të rëndë këtë rast, të shëmtuar e tragjik. Drejtësia duhet vendosur dhe të gjithë të përfshirët duhet të marrin dënimin meritor!”.