Nënkryetari i Lidhjes Demokratike të Kosovës(LDK), Lutfi Haziri, ka kritikuar Qeverinë Kurti lidhur me marrëveshjen kornizë për financimin e infrastrukturës hekurudhore për vitet 2023-2027.
Haziri, përmes një postimi në rrjetin social Facebook, ka shkruar se “Kurti po krekoset për mbështetje financiare ndaj shqiptarëve të Luginës së Preshevës”.
Madje, Haziri ka listuar tri arsye kryesore që Kurti “ka përçarë politikanët e Luginës”.
“Së pari, nuk është çështje e ruajtjes se identitetit kulturor e kombëtar, por vullneti i shprehur me referendum nga shumica absolute këtu e 30 vjet më parë.E dyta, ndihma më e madhe ndaj tyre është duke mos i përçarë, për duke ua respektuar vullnetin e tyre. E treta, prej këtyre mjeteve financiare, sa kanë me shku për lobime jashtë tyre?!”, ka shkruar Haziri.
Ai tutje ka pyetur se “E kjo puna e Elektroserverit, a është zbatim i marrëveshjes së shkurtit Kurti-Vuçiq 2023?!”.