Prokuroria Themelore në Gjilan në bashkëpunim me Policinë e Kosovës ka ndaluar të dyshuarin më inicialet D.T., në kohëzgjatje prej 48 orëve.
D.T dyshohet se gjatë mbrëmjes të së shtunës, në fshatin Dobërçan të Gjilanit, e ka kryer veprën penale ‘’Vrasja e rëndë’’, motivi i së cilës ende nuk dihet.
Sipas Prokurorisë, viktima është privuar nga jeta, pas disa goditjeve me thikë që ka marrë, në pjesë të ndryshme te trupit.
“Dyshohet se më 16 Dhjetor 2023, rreth orës 21:00, në fshatin Dobërçan, komuna Gjilan, i dyshuari D.T., e ka privuar nga jeta viktimën A.B., duke e goditur disa herë me thikë në pjesë të ndryshme të trupit. Me urdhër të prokurorit të shtetit trupi i pa jetë i të ndjerit është dërguar për autopsi në Institutin e Mjekësisë Ligjore, ndërsa, i dyshuari gjendet në ndalim 48 orësh. Prokurori i shtetit brenda afatit ligjor ndaj të dyshuarit do të kërkojë caktimin e masës së paraburgimit në afat prej 30 ditësh nga Gjykata kompetente në Gjilan”, thuhet në njoftim.