Policia e Kosovës ka arrestuar të dyshuarin që ka shkaktuar aksidentin me fatalitet të martën mbrëma në Llapashticë të Podujevës.
Aksidenti ka ndodhur rreth orës 20:00, teksa të përfshira ishin dy vetura.
Pasagjeri që ka mbetur i lënduar nga ky aksident është dërguar për trajtim në Qendrën Klinike Universitare të Kosovës (QKUK), teksa trupi i pajetë i viktimës është dërguar në IML për obduksion.
“Raportohet për një aksident trafiku në mes dy automjeteve me ngasë meshkuj kosovarë. Përveç dëmeve materiale, lëndim vdekjeprurës ka pësuar viktima mashkull kosovar (njëri nga drejtuesit), ndërsa lëndime trupore të rënda ka pasur një pasagjer mashkull kosovar, i cili është dërguar në QKUK. Me vendim të prokurorit trupi i pajetë i viktimës është dërguar në IML për obduksion, ndërsa ngasësi tjetër i dyshuari është arrestuar dhe dërguar në mbajtje”, thuhet në raportin e policisë.