Kryetari i Aleancës për Ardhmërinë e Kosovës (AAK), Ramush Haradinaj, ka reaguar lidhur me tërmetin në Japoni.
Përmes një postimi, Haradinaj ka thënë se mbetet me shpresën që tërmeti të kalojë me sa më pak dëme.
“Mendja jonë është me popullin dhe shtetin japonez!”, ka shkruar Haradinaj.
Është duke u shtuar numri i të vdekurve si pasojë e tërmetit që goditi pjesën perëndimore të Japonisë.
Lexo dhe: Rritet në rreth 50 numri i viktimave të tërmetit në Japoni
Mediet lokale kanë thënë se deri më tani 48 persona kanë humbur jetën. Ekipet e shpëtimit po përpiqen të shpëtojnë njerëzit e bllokuar nën rrënoja, ndërsa moti është tejet i ftohtë.
Tërmeti me magnitudë 7.6 e pati epiqendrën në prefekturën Ishikava, zona që u godit më rëndë nga lëkundjet.