Presidenti i Shqipërisë, Bajram Begaj, e ka përkujtuar presidentin Ibrahim Rugova në 18-vjetorin e vdekjes së tij.
Me anë të një postimi në Facebook, Begaj tha se presidenti Rugova do të mbetet modeli i politikanit frymëzues për politikanët e Shqipërisë dhe Kosovës.
Ai potencoi se presidenti Rugova ishte lider paqësor e paqëtues.
“Ibrahim Rugova, Presidenti historik i Kosovës, lideri paqësor e paqëtues, është e do të mbetet modeli i politikanit frymëzues për politikanët e Shqipërisë dhe Kosovës”, shkroi Begaj.
