Fermerët kanë ndezur zjarre me goma jashtë ndërtesës së Parlamentit Evropian në Bruksel, në shenjë proteste kundër taksave, rritjes së kostove dhe importeve të lira.
Siç raporton BBC, fermerët kanë bllokuar rrugët dhe kanë hedhur vezë, ndërsa liderët e BE-së janë mbledhur për një samit në kryeqytetin belg.
Rreth 1 mijë e 300 traktorë kanë bllokuar rrugët kryesore nëpër qytet, vlerëson policia, me një që shfaq një bander që lexonte “nëse e doni Tokën, mbështesni ata që e menaxhojnë atë”.
Një tjetër pankartë shkruhej “pa fermerë, pa ushqim”, ndërsa të tjerët në turmë hodhën vezë në ndërtesën e Parlamentit Evropian, raporton Sky News.
Oficerët me pajisje për protesta ruanin barrierat ku udhëheqësit do të takoheshin pranë parlamentit, me traktorë të parkuar në një shesh qendror.
Policia hodhi gaz lotsjellës dhe tuba uji, ndërsa turmat u përpoqën t’i rrëzonin barrierat, të zemëruara nga taksat dhe rregullat e gjelbra – duke pretenduar se nuk paguhen mjaftueshëm dhe përballen me konkurrencë të pandershme nga jashtë.
Fermerët shpresojnë se udhëheqësit e BE-së do t’i dëgjojnë thirrjet e tyre për të shkurtuar rregulloret dhe për t’i forcuar kontrollet mbi importet, të cilat fermerët thonë se po dëmtojnë jetesën e tyre.
Në Francë, ku protestat kanë vazhduar prej javësh, qeveria premtoi më shumë ndihmë dhe hoqi dorë nga planet për t’i reduktuar gradualisht subvencionet për naftën bujqësore.
Protestat kanë shpërthyer në të gjithë Evropën, me fermerë të zemëruar në Belgjikë, Spanjë, Portugali, Holandë, Gjermani dhe Itali.