Çifti, Zhang Bo dhe Ye Chengchen, janë ekzekutuar pasi u shpallën fajtorë për vrasjen e dy fëmijëve, një vajze dyvjeçare dhe një djali njëvjeçar, duke i hedhur ata nga dritarja e një ndërtese.
Zhang Bo – babai i fëmijëve – dhe Ye Chengchen u shpallën fajtorë për vrasjen e vajzës dyvjeçare dhe djalit një vjeç në vitin 2020.
Zhang kishte filluar një lidhje me Ye, ndërsa më vonë është divorcuar nga gruaja e tij dhe kishte filluar të komplotonte për t’i vrarë fëmijët e tij, ka raportuar BBC.
Gjykata e Lartë e Kinës i kishte quajtur motivet e çiftit “jashtëzakonisht dashakeqe”, duke theksuar “metodat e tyre mizore”.
Chen Meilin, nëna e dy fëmijëve, ka thënë të enjten në mbrëmje se “një makth që torturoi familjen tonë për më shumë se tre vjet është zhdukur përfundimisht”.
Çifti u ekzekutua në qytetin jugperëndimor të Chongqing të mërkurën.
Nuk është e qartë se si u krye ekzekutimi, megjithëse dënimet me vdekje në Kinë kryhen kryesisht me injeksion vdekjeprurës ose pushkatim.
Pasi Zhang u divorcua nga gruaja e tij në shkurt 2020, Ye i shihte dy fëmijët si “pengesë që ajo të martohej me Zhangun dhe barrë për jetën e tyre të ardhshme së bashku”.
Ye e kërcënoi në mënyrë të vazhdueshme Zhangun për t’i kryer vrasjet, të cilat ata komplotuan t’i organizonin si një rënie aksidentale, u tha në gjykatë. Më 2 nëntor 2020, Zhang hodhi fëmijët e tij nga dritarja e banesës nga kati i 15-të.