Që nga 1 qershori 2022, në Maqedoninë e Veriut nuk do të vlejnë një pjesë e masave antikrizë, të cilat Qeveria e Maqedonisë i ka vendosur në mars 2022.
Qeveria e Maqedonisë së Veriut i ka vendosur masat antikrizë për t’i reduktuar pasojat e krizës energjetike dhe për t’i mbrojtur standardet jetësore të qytetarëve. Në Maqedoninë e Veriut, të mërkurën e 1 qershorit do të kthehet TVSH-ja për 18 për qind, ndërsa produktet ushqimore nuk do të shiten me zero për qind TVSH.
Gjatë tre muajve të fundit, TVSH-ja në Maqedoninë e Veriut për bukën, qumështin, vezët, orizin dhe vajin e lulediellit për gatim ishte zvogëluar nga pesë në zero për qind. Me propozimin e Ministrisë së Ekonomisë në Maqedoninë e Veriut është marrë dhe vendimi për zvogëlimin e masave tregtare.
Pjesë e 26-të masave antikrizë ishte edhe ulja e akcizave dhe të TVSH-së nga 19 në 10 për qind të energjencave. Heqja e masave antikrizë në Maqedoninë e Veriut pritet të shkaktojë rritje të çmimeve të ushqimit dhe të energjencave.
Çmimi i karburantëve rritet gjatë mesnatës, çmimi i Eurosuper BS-95 dhe i dizelit është rritur për nëntë denarë për litër.
Ndërsa i Eurosuper BS-98 për 9,5 denarë për litër. Për 8,5 denarë për litër më shtrenjtë është edhe Ekstra vaji i lehtë për amvisëri. Sipas çmimeve të reja, Eurosuper BS-95 shitet për 104 denarë, Eurosuper BS-98 për 106,5 denarë për litër, dizeli për 95 denarë, ndërsa Vaji ekstra i lehtë për amvisëri 93 denarë.
Qeveria e Maqedonisë së Veriut, të martën e 31 majit nuk kanë informuar rreth vazhdimit të masave antikrizë. Nga opozita e Maqedonisë së Veriut është paralajmëruar se do të parashtrojnë ligj, me të cilin do të propozojnë lirimin e çmimeve të produkteve ushqimore nga TVSH-ja deri në fund të vitit 2022.