Në një situatë epidemiologjike ku qarkullon grip COVID, fruthe e viroza të shumta, virologët thonë se në Shqipëri mund të jetë i pranishëm edhe nënvariant i Omicron-JN1, i cili konsiderohet i rëndësishëm nga Organizata Botërore e Shëndetësisë.
Shefi i laboratorit të mikrobiologjisë në Qendrën Spitalore Universitare të Tiranës (QSUT), Prof. Andi Koraqi, thotë nga simptomat klinike që shfaq ky nënvariant është i ngjashëm më gripin, ndonëse ka më shumë prirje të prekë sistemin gastrinterit.
“Nisur nga të dhënat referuar edhe vendeve fqinje me ne, mund të ketë hyrë JN1. Patjetër që po. Viruset vazhdojnë të krijojnë mutacione. Mund të ndodhë që të dalë një tjetër që shkakton forma të rënda të sëmundjes”, tha ai./Topchannel