Policia e Kosovës ka njoftuar se një burrë është dërguar pa shenja jete në Qendrën Klinike Universitare të Kosovës (QKUK).
Në raportin 24-orësh, thuhet se vdekjen e viktimës e ka konstatuar ekipi mjekësor teksa rrethanat e vdekjes nuk dihen.
Rasti vazhdon të jetë nën hetim, ndërsa është iniciuar si “Vdekje e dyshimtë”.
“Viktima mashkull kosovar është sjellë në QKUK pa shenja jete. Vdekjen e viktimës e ka konstatuar ekipi mjekësor, ndërsa nuk dihen rrethanat e vdekjes. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raport.