Sekretari i përgjithshëm i NATO-s, Jens Stoltenberg, ka bërë thirrje që Kosova dhe Serbia të përmbahen nga gjuha dhe veprimet nxitëse që mund t’i përshkallëzojnë tensionet në rajon.
Gjatë një konference për media të mërkurën, Stoltenberg theksoi se zgjidhja është “dialogu i lehtësuar nga Bashkimi Evropian, midis Prishtinës dhe Beogradit”.
“Kemi parë rritje të tensioneve në Kosovë dhe pjesë të tjera të Ballkanit Perëndimor muajt e fundit. Mesazhi im është që të gjitha palët duhet të përmbahen nga gjuha inflamatore dhe nga veprimet që mund të eskalojnë tutje tensionet në rajon. Kur vjen puna për Kosovën, rruga përpara është dialogu i lehtësuar nga BE-ja, dhe inkurajoj Prishtinën dhe Beogradin që të angazhohen në mirëbesim në dialog”, u shpreh Stoltenberg.
Stoltenberg shtoi se si rezultat i sulmeve në Kosovë vitin e fundit, NATO ka rritur prezencën për të siguruar ambient të qetë dhe të sigurt për të gjithë komunitetet që të përmbushet mandati që ka marrë NATO-ja nga Kombet e Bashkuara.
Stoltenberg: Rusia të mos ketë iluzione, NATO do të mbrojë secilin vend anëtar