Prokuroria Speciale ka ngritur aktakuzë në Gjykatën Themelore në Prishtinë kundër 8 policëve për “marrje ryshfeti” e katër qytetarëve për “dhënie ryshfeti”.
Prokuroria Speciale njofton se aktakuza kundër të pandehurve, T.D, M.S, V.L, A.A, V.M, A.S, A.C, B.K, M.J, A.A, S.S, D.I është ngritur për shkak të dyshimit të bazuar mirë se gjatë periudhës kohore shtator 2021 deri në korrik 2022, në pikëkalimin kufitar te Hani i Elezit, gjegjësisht në zyrën e Evidencës Paraprake si dhe gjatë patrullimit si Njësi e Anti Kontrabandës në pjesën veriore, por edhe në pjesë të tjera të vendit, të pandehurit në cilësinë e personave zyrtarë – zyrtar policor, në vazhdimësi secili veç e veç, por edhe duke bashkëvepruar me njëri-tjetrin, në mënyrë të drejtpërdrejtë, kanë pranuar para në shuma të ndryshme, me qëllim që të mos e kryejnë veprimin zyrtar të cilin ata duhej ta kryenin, si mbikëqyrjen e rregullt doganore dhe kontrollin e rregullt kufitar.
Të pandehurit T.D, M.S, V.L, A.A, V.M, A.S, A.C, M.J, akuzohen se kanë kryer veprën penale “Marrja e ryshfetit, ndërsa të pandehurit B.K, A.A, S.S dhe D.I, akuzohen se kanë kryer veprën penale “Dhënia e ryshfetit”.