Zëvendëskryetari i Komisionit për Mbikëqyrjen e Agjencisë së Kosovës, Sali Zyba, nuk ka dhënë shumë detaje se për çfarë është diskutuar në takim me drejtorin e AKI-së, Petrit Ajeti.
“Nuk ka diçka të veçantë, diçka për të thënë për media. Nga kjo përballje nuk ka asgjë për të ndarë me media e as me publikun diçka, është çështje e konsumuar”, tha Zyba.
E i pyetur për situatën në veri, Zyba nuk deshi të deklarohej, duke e quajtur vetën jokompetent.
“Unë nuk jam kompetent për t’u përgjigjur për këtë, por sigurisht që kjo ka qenë komunikim edhe me faktorin ndërkombëtar se nuk është shqetësim vetëm i joni dhe i qytetarëve, por ky është shqetësim edhe i vendeve fqinje për të cilat është aluduar. Por rreziku prej Serbisë është permanent çdo herë”, tha Zyba./EO