Këtë muaj u shënua rasti i fundit i vdekjes së një punëtori në vendin e tij të punës.
Por, shifrat thonë më shumë se kaq.
Avokati i Popullit ka përfunduar hetimet për sigurinë dhe shëndetin në punë, derisa numrin e aksidente fatale nga viti 2004 deri në fund të vitit 2022 e vlerëson shqetësues.
Sipas këtij institucioni, gjatë kësaj periudhe kanë ndodhur 247 raste me fatalitet.
Për këtë arsye, Avokati i Popullit janë drejtuar me disa rekomandime institucioneve përgjegjëse, Ministrisë së Financave, Punës dhe Transfereve, Inspektoratit të Punës dhe Ministrisë së Shëndetësisë.
Avokati i Popullit ka theksuar se “Ministria e Financave, Punës dhe Transfereve rekomandohet të inicojë dhe mundësojë funksionalizimin e Këshillit Nacional për Sigurinë dhe Shëndetin në Punë, t’i ofrojë kushte për funksionim si dhe t’i kërkojë llogari për punën e bërë. Të iniciojë dhe mundësoj funksionalizimin e Këshillit Ekonomiko-Social dhe ndërmjet tij të iniciojë dialogun me parnerët socialë me synimin që të arrihet pajtim për Kontratën e Përgjithshme Kolektive”
Sipas Avokatit situatën e rëndon edhe mungesa e dokumentacioneve përkatëse për punëtoret e sektorit privat.
Sindikata e Punëtorëve të Sektorit Privat ndonëse pajtohet me rekomandimet e Avokatit të Popullit, po thotë se ka dallim në shifrat e jetëve të humbura.
Jusuf Azemi – Sindikata e Punëtoreve të Sektorit Privat ka potencuar se “Gjëja më e rënd që unë pash në këtë raport është se shifrat e të vdekurve në vendin e punës nuk përkojnë asesi njëra me tjetrën. Po e marrim një rast konkret, në vitin 2022 thonë se kemi pasur 15 raste te vdekjes ne vendin e punës deri sa shifra reale eshtë 23 punëtor”.
Nga Avokati i Popullit kanë thënë se hetimi ka filluar u bazuar në raportimet në media për rastet e shpeshta të aksidenteve në punë me pasoja deri në fatalitet.