Është anuluar seanca gjyqësore ndaj Shaban Gogajt, i akuzuar për vrasjen e Agonis Tetajt, e cila ishte paraparë të mbahej të enjten.
Këtë e ka konfirmuar për Rtv Dukagjinin, zëdhënësja e Gjykatës Themelore të Pejës, Tringa Zhuti.
Bëhet e ditur se kjo seancë ka dështuar për shkak të mungesës së avokatit të të akuzuarit.
Avokati Haxhiu Ceku, ka njoftuar se nuk kishte mundësi të marrë pjesë në seancë.
29-vjeçari Agonis Tetaj ishte vrarë në vendin e tij të punës në shtator të vitit 2018.
Ndryshe, sipas aktakuzës së ngritur nga Prokuroria Themelore në Pejë, më 12 qershor 2019, Shaban Gogaj akuzohet se më 23 shtator 2018, rreth orës 11:04, në Deçan, në rrugën “Luan Haradinaj”, përkatësisht në kompaninë “Gogaj AG”, me dashje e privon nga jeta Agonis Tetaj dhe me këtë ka vënë në rrezik edhe jetën e të dëmtuarve Agzon Hadërgjonaj dhe Faruk Zukaj.