Policia e Kosovës në Gjilan ka njoftuar se është vërejtur një person që dyshohet të jetë i vdekur në bodrumin e një ashensori të një ndërtese në rrugën Gjilan–Kamenicë.
“Rasti është raportuar në polici më datë 26.02.2024 rreth orës 22:37”, ka konfirmuar për Portalin Dukagjini, zëdhënësi i Policisë së Kosovës për rajonin e Gjilanit, Ismet Hashani.
“Lidhur me rastin është informuar prokurori i shtetit dhe të gjitha njësitet relevante, ku me urgjencë kanë dalë në vendin e ngjarjes”- tha ai.
Sipas zyrtarit, trupi i dyshuar pa shenja jete ende nuk është identifikuar për shkak të rrethanave në vendin ku është gjetur.
“Për informatat shtesë do të ju njoftojmë në vazhdim”- theksoi Hashani.