Deputeti i Aleancës për Ardhmërinë e Kosovës (AAK), Shemsedin Dreshaj, ka deklaruar se Kosova është vendi i vetëm në rajon dhe në Evropë pa sigurime të mirëfillta shëndetësore.
Në seancën e së enjtes, Kuvendi i Kosovës po diskuton për gjendjen në shëndetësi dhe çështjen e sigurimeve shëndetësore me kërkesë të AAK-së.
“Kosova është vendi i vetëm në rajon e Evropë pa sigurime të mirëfillta shëndetësore, me sa e di unë vetëm Somalia është në një situatë të ngjashme”, ka deklaruar Dreshaj.
Sipas tij, zhvillimi i sistemit shëndetësor kishte filluar të ngjallte shpresë me miratimin e Ligjit për sigurime shëndetësore në vitin 2014.
“Por, fatkeqësisht ende pa filluar zbatimi i ligjit, në fillim të vitit 2016 fillon saga e plotësim-ndryshim të ligjit…”, ka vijuar ai.