Ministri i Punëve të Jashtme, Bujar Osmani, në kuadër të vizitës së tij në SHBA, ka realizuar një takim bilateral me Ndihmëssekretaren e Shtetit për Çështje Evropiane dhe Euroaziatike, Karen Donfried.
Në këtë takim është diskutuar për Dialogun Strategjik, përmes së cilit do të forcohet partneriteti strategjik dhe do të avancohen marrëdhëniet bilaterale ndërmjet të dyja vendeve.
Sipas njoftimit të Minisitrisë së Punëve të Jashtme të Maqedonisë së Veriut, Osmani gjatë takim me Donfried ka vlerësuar rolin i ShBA-ve në Ballkanin Perëndimor, pasi ruajtja stabilitetit rajonal është thelbësore.
“Në rrethanat aktuale, roli i ShBA-ve dhe prania e tyre e shtuar në Ballkanin Perëndimor janë thelbësore për ruajtjen e stabilitetit rajonal. Për më tepër, realiteti i ri gjeopolitik e thekson nevojën e përshpejtimit të proceseve evropiane dhe euroatlantike të vendeve të Ballkanit Perëndimor, që njëherazi është edhe garanci për stabilitetin dhe sigurinë rajonale dhe evropiane, por edhe kufizon ndikimin e vendeve të treta”, ka theksuar Osmani.
Në këtë takim është diskutuar edhe për luftën e fundit Rusi-Ukrainë, ku kanë dënuar ashpër agresionin rus, i cili po paraqet një kërcënim serioz për paqen, sigurinë dhe stabilitetin botëror.