Sara Gjordeni, që tashmë po e vazhdon lidhjen me këngëtarin e njohur, Bardhin, foli në një lidhje telefonike në Big Brother Radio, ku duket sikur ka një “luftë” me menaxherin e Bardhit.
Ajo u shpreh se shëndeti i nënës së Bardhit është ende pak delikat, arsye kjo që Bardhi la shtëpinë e Big Brother.
“Jam rrugës për Maqedoni, momentalisht jam në Kosovë, por jam rrugës për në Kumanovë. Unë mendoj që për momentin duhet të fokusohemi vetëm te gjërat pozitive dhe gjërat e mira që po vijnë, shëndeti i nënës së Bardhit është ende pak delikat, por në përgjithësi është mirë.”
Sipas Sarës, në historinë e tyre po përzihen njerëz që nuk iu takon aspak.
“Nëse diçka nuk del nga unë apo nga Bardhi, ju lutem mos i besoni palëve të treta dhe askujt, sepse po përzihen në këtë histori shumë njerëz që nuk iu takon aspak si ish-banorë, opinionistë, menaxherë etj. Mua më vjen shumë keq, sepse unë po mbaj mbi kurriz ofendime, fyerje dhe aludime. Ju lutem i them publikut mos besoni asgjë që nuk del nga goja ime dhe e Bardhit”, u shpreh ajo.