Regjstrimi i popullsisë – deri në 2 mijë euro do të gjobiten qytetarët që nuk regjistrohen

ASK-ja do ta dërgojë në Gjykatë çdo qytetar që s’do të lajmërohet për regjistrim, thotë Drejtori i Agjencisë së Statistikave të Kosovës, Avni Kastrati

Drejtori i Agjencisë së Statistikave të Kosovës, Avni Kastrati, ka folur për regjistrimin e popullsisë që do të bëhet nga 5 prilli dhe do të zgjasë deri më 17.05.2024.

Ai në emisionin “Kallxo Përnime”, ka thënë se ky regjistrim është i obligueshëm ligjërisht.

“Nëse regjistruesi të ka lënë letrën tre herë, ti s’je lajmëru, ke qenë jashtë vendit, secili qytetar e ka obligim ligjor këtë dhe mund të ketë një penallti nga 200 deri në 2 mijë euro. 200 është kur s’ka mujt me dhanë intervistën. Çdo qytetarë që s’mund ta jap intervistën e ka obligim me thirrë zonën e vet, komunën apo kojshinë, tregon që je jashtë vendit, ne ja japim kontaktin regjistruesit tuaj dhe është opsioni përmes rrjeteve sociale m`u regjistru pra online”, tha Kastrati.

Ai ka sqaruar që sipas ligjit, ASK-ja do ta dërgojë në Gjykatë çdo qytetar që s’do të lajmërohet për regjistrim.

“Na e çojmë atje, dënimet janë prej 200-2000, varësisht nga arsyeja pse s’je lajmëru, nëse refuzon është deri në 2 mijë euro, por si kena lanë asakujt arsye m`u anku. Mënyra e parë është ballë për ballë, nëse regjistruesi është pasiv qytetari mund ta lajmëroj atë tek organet e komunës dhe ne dërgojmë staf shtesë”, u shpreh Kastrati.

Kastrati ka treguar tutje që janë 3,550 regjistrues në gjithë Kosovën.

“Janë rreth 2,700 regjistrues aktiv në gjithë Kosovën, janë rreth 700 mbikqyrës, janë rreth 300 anëtarë të komunave, 1 regjistrues mesataren ditore e ka 7 ekonomi familjare me i regjistru, por jo më shumë se 10 sepse sistemi vet është i dizajnuar në atë mënyrë”, tha tutje Kastrati.

Regjistrimi i fundit i popullsisë është bërë në vitin 2011.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika