Presidentja e Kosovës, Vjosa Osmani, ka njoftuar se më 15-16 prill, Prishtina do të jetë nikoqire e përfaqësuesve nga rajoni dhe bota në Forumin Ndërkombëtar për Gratë, Paqen dhe Sigurinë.
Në njoftimin e saj, thuhet se në Forumin Ndërkombëtar për Gratë, Paqen dhe Sigurinë, do të marrin pjesë mbi 100 panelistë në dhjetëra panele diskutimi me temën “Ridefinimi i Sigurisë”.
“Edicioni i dytë do të fokusohet në parandalimin e dhunës seksuale gjatë luftës, si dhe garantimin e sigurisë për gratë dhe vajzat gjersa përballen me sfidat e shkaktuara nga ndryshimet klimatike”, thuhet tutje në njoftimin e saj.
Ky forum, siç kishte theksuar presidentja Osmani hap dyert për pjesëmarrësit nga e gjithë bota, me qëllim që të adresohen çështjet që kanë ndikim të drejtpërdrejtë në sigurinë dhe mirëqenien e grave dhe të vajzave në mbarë botën.
Osmani: Forumi i Grave, i Paqes dhe i Sigurisë po rikthehet më 15 prill
Forumi do të ofrojë një platformë për diskutime dhe veprime lidhur me çështjet e grave dhe të vajzave, duke adresuar sfidat dhe duke promovuar paqen dhe sigurinë.