Mbi 46 mijë qytetarë do të kenë të dejtë vote në katër komunat në veri të Kosovës sipas raportit jopërfundimtar të Listës së Votuesve të miratuar nga KQZ-ja, për procesin e votimit për apo kundër largimit të kryetarë në, Leposaviq, Zubin Potok, Zveçan dhe Mitrovicë të Veriut.
Sipas këtij raporti, numri jopërfundimtar i qytetarëve me të drejtë vote në këto komuna është 46,248 votues apo 1,153 votues më shumë në krahasim me Zgjedhjet e Jashtëzakonshme për Kryetar Komune të cilat janë mbajtur më 23 prill 2023. Ndërsa, numri i përgjithshëm i qendrave të votimi është 44.
Me qëllim të funksionalizimit të Komisioneve Komunale të Zgjedhjeve në këto katër komuna, janë caktuar Zyrtarët Ekzekutiv, të cilët njëkohësisht janë kryesues të KKZ-së.
Lidhur me këtë, KQZ-ja mori vendim për emërimin e rreth 20 anëtarëve të Komisioneve Komunale të Zgjedhjeve, por që mund të plotësohet gjatë ditëve në vazhdim. Sipas Ligjit për Zgjedhjet e Përgjithshme (2023) KKZ administron zgjedhjet brenda komunës përkatëse, nën mbikëqyrjen ekskluzive dhe udhëzimet e KQZ-së.
