Distria Krasniqi e ka fituar medaljen e bronztë në Grand Slamin e xhudos që po mbahet në Tbilisi të Gjeorgjisë.
Ajo triumfoi në finalen e repesazhit ndaj kinezes Yeqing Zhu, në kategorinë deri në 52 kilogramë.
Në këtë rrugëtim, kampionia olimpike arriti katër fitore dhe një humbje.
Disfatën e vetëm e pësoi në çerekfinale kundër garueses nga Spanja, Ariane Toro Solore.
Sot garoi edhe Flaka Loxha, e cila shënoi dy fitore dhe u ndal në raundin e tretë nga serbja Marica Perisic, në kategorinë deri në 57 kilogramë.
Nesër do të garojë Laura Fazliu, kurse të dielën Loriana Kuka.