Federata e Futbollit të Kosovës (FFK) publikon rregullat që duhet respektuar nga tifozët që kanë siguruar bileta për ndeshjen mes Kosovës dhe Greqisë.
Federata e Futbollit të Kosovës ka njoftuar se rruga rreth stadiumit do të jetë e bllokuar për automjetet, përveq këmësorëve që ju lejohet lëvizja.
FFK ka njoftuar se Policia e Kosovës do të jetë e vendosur në perimetrin e dytë. Vendosja e Policisë sբ Kosovës në perimetrin e dytë do të bëjë filtrimin e shikuesve për moslejimin e bartjes së gjësendeve të palejuara.
Gjërat e palejuara përfshijnë:
-Mjetet piroteknike
-Shishet e qelqit pavarësisht madhësisë
-Shishet e plastikës pavarësisht madhësisë
-Pijet alkoolike dhe substancat narkotike
-Ushqim i çfarëdo lloji (përveç ushqimit të fëmijëve 24 muajsh
-Ombrella
-Armë zjarri ose armë të ftohta apo cfarëdo mjeti tjetër që mund të përdoret si armë
-Sende të rënda (çanta shpine, karrige të palosshme, etj).
-Kamera profesionale dhe video kamera
-Çdo material promovues racist, ksenofobik, politik, fetar
FFK në njoftimin zyrtar thotë se ata të cilët nuk posedojnë bileta nuk do ta kenë mundësinë të ofrohen tek hyrja në portat ku bëhet kontrolli dhe leximi i biletave.
Federata e Futbollit të Kosovës ka kërkuar nga qytetarët që maksimalisht të respektojnë rregullat, në të kundërtën paralajmëron se mund të jenë subjekt i ndëshkimit nga organet ligjore.