“Ky pushtet është antidemokratik”, thotë Teutë Rrusta nga Partia Socialdemokrate.
Ajo, në emisionin “Debat Plus, ka thënë se kjo është ajo që e bashkon gjithë opozitën, ngase, sipas saj, të gjitha partitë opozitare pajtohen me këtë tezë.
Rrusta thekson se qeveria në krye me kryeministrin Albin Kurti duhet të rrëzohet menjëherë, “me kauzën e Asociacionit”.
“Jemi për zgjedhje të shkaktuara nga opozita. Një diçka që na bashkon krejt opozitën dhe individë nga shoqëria civile është që ky pushtet është antidemokratik, për këtë pajtohen krejt”, thotë ajo.
Ajo potencon se vendi duhet të shkojë në zgjedhje, por, sipas saj, asnjëherë duke qenë pjesë e asaj që ajo e quan “agjenda e pushtetit”.