Një rast i gjuajtjes më armë ka ndodhur të martën në Kolovicë të Prishtinës.
Rasti është konfirmuar për Portalin Dukagjini nga Flora Ahmeti, zëdhënësja për rajonin e Prishtinës. Sipas saj, rasti ka ndodhur sot rreth orës 13:40.
“Sot rreth orës 13:40, policia ka marrë informatën për një plagosje me armë zjarri të ndodhur në rrugën ‘Haxhi Zeka’ në Prishtinë. Menjëherë pas marrjes së informatës, policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se me armë zjarri është plagosur një person”, tha Ahmeti.
Tutje, Ahmeti shtoi se “Hetuesit policorë, në koordinim me prokurorinë, po ndërmarrin veprimet hetimore për arrestimin e personave të dyshuar ( të cilët janë identifikuar), si dhe ndriçimin e plotë të rastit”.