Një tërmet me magnitudë 5.7 ballë ka goditur pjesën jugore të Greqisë mëngjesin e së premtes, duke prekur bregdetin e Peloponezit perëndimor.
Deri më tani nuk ka raportime për dëme materiale ose viktima nga kjo dridhje e tokës, e cila u ndje në kryeqytetin grek, Athinë, e deri në ishullin jugor të Kretës.
Epiqendra e dridhjeve të tokës ishte nën shtratin e detit afër ishujve Strofades, që gjenden rreth 120 kilometra në jugperëndim të qytetit Patras, sipas Instituti Gjeodinamik të Athinës.
Në zonën e epiqendrës së tërmetit janë regjistruar edhe goditje pasuese me intensitet më të ulët të rihterit.
Po ashtu, javën e kaluar më 22 mars, një tërmet me magnitudë 4.7 ballë të shkallës rihter është regjistruar në jug të ishullit grek të Korfuzit.
Tërmeti ishte regjistruar në orën 07:20, ndërsa thellësia ka qenë 10 kilometra.
Tërmeti është ndier edhe në jug të Shqipërisë.