Gëzuar festa e Fitër Bajramit.
Kjo festë e shejntë për myslimanët vjen pas muajit të ramazanit, ku besimtarët agjëruan, duke iu përkushtuar më shumë adhurimit dhe devotshmërisë ndaj krijuesit të tyre, zotit.
Stafi i Televizionit Dukagjini ua uron të gjithë besimtarëve pranimin e lutjeve dhe veprave të mira të bëra gjatë muajit të ramazanit, si dhe pranimin e agjërimit të tyre.
Ndryshe, manifestimi qendror për festën e Fitër Bajramit për Republikën e Kosovës është mbajtur në Xhaminë e Madhe në Prishtinë.
Manifestimi filloi në orën 5:21, me faljen e namazit të sabahut, pas të cilit u mbajtën ligjërata tematike kushtuar kësaj feste nga profesori i Medresesë, Shkëlzen Hoxha.
Me rastin e festës së Fitër Bajramit, ditën e parë, më 10 prill 2024, Kryesia e BIK-ut, si tradicionalisht, organizon pritje për urim në selinë e Kryesisë nga ora 9:00-12:00.
Në ditën e fundit të Ramazanit, Tërnava ua uron të gjithë besimtarëve festën e Fitër Bajramit
Në një mesazh për festën e Fitër Bajramit, myftiu i Kosovës, Naim Tërnava ka theksuar rëndësinë e festimit të kësaj dite për t’i forcuar lidhjet familjare dhe për të kultivuar një shoqëri të lumtur e të ndërgjegjshme.
Në një adresim për media, në ditën e fundit të muajit të Ramazanit, Tërnava ka thënë se duhet bërë më shumë që këto festa të mos zbehen, por të festohen në mënyrën më të mirë.
Ai ka thënë se këtë festë, e cila vjen pas muajit të shenjtë të ramazanit, besimtarët do të jenë më afër njëri-tjetrit.
Në ditën e fundit të Ramazanit, Tërnava ua uron të gjithë besimtarëve festën e Fitër Bajramit