Me urdhër të Prokurorisë Speciale të Malit të Zi, ish-kryeprokurori special, Millivoje Katniq, dhe ish-zyrtari i lartë i policisë, Zoran Llazoviq, u arrestuan mëngjesin e së dielës.
Ish-kryeministri, Dritan Abazoviq përmes një postimi në Facebook ka shkruar se njerëzit e guximshëm bëjnë diferencën.
“Njerëzit e guximshëm bëjnë diferencën. Për shkak të kësaj, Mali i Zi është sot një vend shumë më i mirë dhe më i lirë për të jetuar sesa ishte në periudhën e mëparshme,” shkruan Abazoviq.
Lexo më shumë: Mali i Zi arreston ish-kryeprokurorin special
Ai thotë se një vit më parë ka thënë që për Lazoviqin, Katniqin dhe “kriminelët tjerë” ishte shumë vonë.
“Fiks një vit më parë, thashë se për Lazoviqin, Katniqin dhe pjesën tjetër maja e piramidës kriminale, të cilën e kisha në shënjestër, ishte tepër vonë. Provat ishin dhe janë të sigurta. Mungon vetëm një super finale, por do të arrijë atje,” shkruan Abazoviq.
Teksa ka falënderuar të gjithë njerëzit për mbështetje.
Ndryshe, “Katniq dhe Llazoviq janë privuar nga liria për shkak të dyshimit se kanë kryer veprat penale të krijimit të organizatës kriminale dhe keqpërdorimit të pozitës zyrtare”, tha zëdhënësi i Prokurorisë Speciale, Vukas Radonjiq.