Policia e Kosovës ka njoftuar se është vetë-dorëzuar njëri nga të dyshuarit në rastin “vrasje në tentativë” në Gajkovë.
“Pas hetimeve të zhvilluara lidhur me rastin është identifikuar një i dyshuar: E. B., i lindur në vitin 1995 mashkull kosovar, mbi dyshimin se i njëjti ishte i përfshirë në këtë incident”, ka njoftuar Policia e Kosovës.
Me datën 15.04.2024 i dyshuari në fjalë është vetë dorëzuar në polici dhe po ashtu ka dorëzuar një armë zjarri e cila dyshohet të jetë përdorur në rast.
“I dyshuari është interivistuar në prani të avokatit mbrojtës. Pas intervistimit, me vendim të prokurorit të shtetit i njëjti është ndalur në mbajtje, ndërsa hetimet janë duke vazhduar në drejtim të arrestimit edhe të tre të dyshuarve të tjerë”, thuhet në njoftim.
Të dielën mbrëma ka pasur të shtëna armësh në rrugën “Anton Qeta” në Gjakovë.
Më vonë u mësua se kishte gjuajtje me armë zjarri mes dy grupeve dhe se një person kërkohej nga Policia e Kosovës.