Kryetari i Partisë Demokratike të Kosovës (PDK), Memli Krasniqi, ka kujtuar 25-vjetorin e Eksodit Shqiptar të Kosovës.
Përmes një postimi në Facebook, Krasniqi është shprehur se, krahas dhembjes për përjetimet e hidhura të asaj shpërnguljeje, “shpreh falënderime të përzemërta për të gjithë ata shqiptarë që na pritën krahëhapur e me zemrën plot”.
“Mbi një milion shqiptarë, 25 vjet më parë, u dëbuan me forcë nga Kosova. Shtëpitë e qytetarëve të Shqipërisë dhe Maqedonisë së Veriut u bënë edhe shtëpitë e vëllezërve e motrave të tyre nga Kosova, të dëbuar me dhunë e terror nga forcat serbe”, ka shkruar Krasniqi.