Rezultatet jozyrtare të KSHZ-së pas procesimit të pothuajse të gjitha vendvotimeve, sipas përllogaritjeve mediatike, tregojnë se HDZ-ja fiton bindshëm zgjedhjet parlamentare.
HDZ fiton 61 mandate, ndërsa Lumenjtë e Drejtësisë të mbledhur rreth PSZH-së marrin 42 mandate.
Lëvizja Atdheu është e treta me 14 mandate të fituara, Most merr 11 dhe Mozemo 10 mandate. IDS dhe platforma Nezavisna Sever fituan nga dy mandate secila dhe koalicioni Fokus-Republika fitoi një, raporton n1.
Partia në pushtet HDZ ka fituar shumicën e vendeve në zgjedhjet e Kroacisë , sipas rezultateve pothuajse të plota zyrtare, por përballet me bisedime të vështira për të siguruar një shumicë në parlament dhe për të formuar një koalicion qeverisës.
Bashkimi Demokratik Kroat (HDZ) i kryeministrit Andrej Plenkoviç kishte 60 vende në asamblenë prej 151 anëtarësh, sipas rezultateve nga më shumë se 90 përqind e qendrave të votimit. Në votimin e mëparshëm të vitit 2020, partia fitoi 66 vende.
Gjatë ditës së djeshme Kroacia i zhvilloi zgjedhjet parlamentare, ku në garë ishin rivalët, presidenti Zoran Milanoviç, socialdemokrat miqësor me Moskën dhe kryeministri konservator, Andrej Plenkoviç.
Për herë të dytë që nga viti 1990, zgjedhjet parlamentare nuk mbahen të dielën, me vendim të Presidentit të Republikës këto zgjedhje u mbajtën të mërkurën.