Shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se dështimi i referendumit për largimin e kryetarëve nga komunat veriore të Kosovës, shpërfaq faktin që Serbia përmes Listës Serbe përdor të gjithë mekanizmat për të pamundësuar integrimin e serbëve.
Kështu, sipas saj, është e pakuptimtë që Kosova të jetë nën masa dhe të mos marrë statusin e vendit kandidat për në BE.
“Së pari ajo çka ka ndodhur dje ka ndodhur si një mundësi karshi kërkesave për ato mungesë së legjitimitetit të kryetarëve të zgjedhur. Ajo çka ndodhi dje është shpërfaqje e faktit që Serbia së pari përmes Listës Serbe përdor të gjitha mekanizmat për të pamundësuar integrimin e serbëve në vend.
Është e qartë se pengesa kryesore e integrimit të serbeve në Kosovë, e veçanërisht në veri, është Serbia. Është e pakuptimtë që Kosova të jetë nën masa dhe të marrë statusin e vendit kandidat për në BE”, ka thënë Kusari – Lila, pas mbledhjes së Kryesisë së Kuvendit.