Klubi zviceran i futbollit, BSC Young Boys ka konfirmuar zyrtarisht nënshkrimin për lojtarin e Përfaqësueses së Kosovës, Donat Rrudhani.
Lajmi është konfirmuar nga klubi zviceran përmes një komunikate në faqen e tyre zyrtare të rrjetit social Twitter.
Klubi zviceran, ka bërë të ditur se me mesfushorin 23-vjeçar, ka nënshkruar kontratë deri në vitin 2026.
“BSC Young Boys ka kënaqësinë të njoftojë një lëvizje tjetër. Mesfushori Donat Rrudhani po kalon nga FC Aarau në YB, 23-vjeçari ka nënshkruar kontratë katërvjeçare deri në verën e vitit 2026”, thuhet në njoftim zyrtar të klubit zviceran.
“Donat Rrudhani vjen nga Kosova, për kombëtaren e së cilës bëri dy paraqitje në verën e vitit 2021”, thuhet në njoftimin e klubit zviceran.
Klubi BSC Young Boys, është një nga klubet më të suksesshme të futbollit zviceran ndërkombëtarisht, duke arritur gjysmëfinalet e Kupës Evropiane.
Rrudhani largohet nga klubi FC Aarau, ndërsa sa ishte pjesë e saj, në tre sezonet e fundit ai luajti 105 ndeshje duke shënuar 21 gola dhe duke dhënë 26 asistime.
Pavarësisht moshës së tij të re, ai ishte një nga drejtuesit e ekipit në Aarau dhe Rrudhani e mbajti shiritin e kapitenit sezonin e kaluar.
Në sezonin e fundit, Rrudhani shënoi nëntë gola dhe dhuroi 12 asistime në Challangle League të Zvicrës.
Në verën e vitit 2017, Rrudhani iu bashkua FC Timau Basel (liga e dytë ndër-rajonale), një vit më vonë ai iu bashkua Black Stars Basel, ku paraqitjet e tij luajtën një rol kyç në ngjitjen në Ligën e Promovimit, ai shënoi 15 gola në 25 ndeshje.
Ein weiterer Zuzug: Vom FC Aarau wechselt Mittelfeldspieler Donat Rrudhani zu YB. Der 23-Jährige hat einen Vierjahresvertrag unterschrieben 💛🖤
Im Gegenzug wechselt Shkelqim Vladi fix zu Aarau 👉 https://t.co/0DztbxMSRg #BSCYB pic.twitter.com/7SQKJfO3Nc
— BSC YOUNG BOYS (@BSC_YB) June 8, 2022