Prej orës 18:00, të gjithë ata që kanë aplikuar për Lotarinë Amerikane, mund të shohin nëse janë fitues të përzgjedhjeve për të marrë një vizë amerikane.
Të gjithë ata që kanë aplikuar për lotarinë amerikane, mund të kontrollojnë rezultatet nëse janë shpallur fitues në faqen e lotarisë amerikane në linkun dvprogram.state.gov.
Pasi të ndodheni në uebfaqen e Departamentit të Shtetit, duhet të klikoni mbi butonin “check status” e më pas të vendosni kodin unik që u është dhënë në tetor kur keni bërë edhe aplikimin.
Ju duhet të keni kodin e konfirmimit për të kontrolluar përgjigjet e lotarisë amerikane.
“The Diversity Immigrant Visa Program” u krijua në bazë të Aktit të Emigracionit të SHBA-së të vitit 1990 që u jep fituesve dhe familjeve të tyre mundësinë e qëndrimit të përhershëm.
Departamenti Amerikan i Shtetit çdo vit ndan 50,000 viza rezidente të përhershme në një përpjekje për të hapur vendin e origjinës të emigrantëve amerikanë në një gamë më të ndryshme.
Siç është sqaruar edhe në vitet e tjera, përzgjedhja bëhet në mënyrë të rastësishme përmes një shorti kompjuterik. /Telegrafi