Tre ushtarë izraelitë janë vrarë në një sulm me raketa të Hamasit pranë një prej vendkalimeve kryesore të përdorura për dërgimin e ndihmave në Gaza, tha Izraeli.
Kalimi Kerem Shalom u mbyll gjatë natës nga Izraeli pas sulmit.
Sulmet e mëvonshme izraelite në qytetin jugor të Gazës, Rafah, raportohet se kanë vrarë të paktën 12 persona.
Ushtria izraelite ka thënë herët të hënën se po u kërkonte banorëve të Gazës që strehohen në pjesë të Rafahut të evakuohen.
Kjo vjen pasi bisedimet që synojnë të sigurojnë një marrëveshje armëpushimi në Gaza dhe lirimin e pengjeve kanë ngecur.
Forcat izraelite të mbrojtjes (IDF) thanë se 10 predha ishin qëlluar nga një zonë pranë vendkalimit Rafah në Gazën jugore, rreth 3.6 km (2.2 milje) nga Kerem Shalom.
Krahu i armatosur i Hamasit mori përgjegjësinë dhe ka thënë se objektivi i tij ishte një bazë e ushtrisë izraelite aty pranë.
IDF-ja ka thënë se ata u qëlluan nga një vend rreth 350 metra nga një strehë civile, raporton BBC.
Ai i quajti lëshimet “një shembull tjetër të qartë të shfrytëzimit sistematik të objekteve dhe të hapësirave humanitare nga organizata terroriste dhe përdorimit të vazhdueshëm të popullsisë civile të Gazës si mburoja njerëzore”.
Hamasi mohon se përdor civilët si mburoja njerëzore.
Ushtria izraelite konfirmoi një kundërsulm në Rafah, duke thënë se goditi hedhësin nga i cili u hodhën predha dhe një strukturë ushtarake aty pranë.
Pati dy sulme izraelite të dielën, duke vrarë të paktën 12 persona sipas zyrtarëve shëndetësorë të Gazës.