Zëvendësministri i Infrastrukturës, Hysen Durmishi, ka pritur në takim kryetarin e Malishevës, Ekrem Kastrati.
Gjatë këtij takimi, është nënshkruar memorandumi i mirëkuptimit me Komunën e Malishevës për financimin e projektit të infrastrukturës, që kap vlerën e 697 mijë euro.
Këto mjete sipas Durmishit i dedikohen projektit të realizimit të rrugës që shpie tek Ujëvara e Mirushës.
“Sapo nënshkruam memorandumin e mirëkuptimit me komunën e Malishevës, për financimin e projektit të infrastrukturës, në vlerë prej 697 mijë euro. Këto mjete i kemi dedikuar për projektin e rëndësishëm të realizimit të rrugës që të shpie tek Ujëvara e Mirushës”, njoftoi në Facebook Durmishi.