Ministrja e Punëve të Jashtme dhe Diasporës, Donika Gërvalla, sot ka takuar kongresistin demokrat, Gregory Meeks.
Gërvalla ka thënë se në takim është diskutuar për fuqizimin e bashkëpunimit në çështje të veçanta si në politikën e jashtme të Kosovës dhe në programe të zhvillimit të demokracisë dhe arsimit.
“Gjatë këtij takimi u rikonfirmuan marrëdhëniet e fuqishme mes dy shteteve dhe dy popujve, duke potencuar se qytetarët e Kosovës, edhe nga matjet ndërkombëtare, dalin të jenë qytetarët më pro-amerikanë në botë”, thuhet në njoftimin e MPJD-së.
“Ministrja Gërvalla dhe kongresisti demokrat Meeks biseduan edhe rreth situatës së sigurisë në Balllkanin Perëndimor dhe veprimet destabilizuese të Serbisë dhe Rusisë në këtë rajon”, thuhet tutje në njoftim.