Gjatë vizitës së tij në Maqedoninë e Veriut, kancelari gjerman, Olaff Scholz, ka thënë se është e rëndësishme që të krijohen raporte të mira ekonomike dhe politike mes vendeve të Ballkanit.
Bashkëpunimi i mirë, sipas kancelarit gjerman, do t’i forconte ekonomitë e shteteve të Ballkanit, dhe po ashtu, do të përshpejtonte përafrimin drejt Bashkimit Evropian.
Në mes tjerash, Scholz tha se Procesi i Berlinit i iniciuar vite më parë, ka treguar për potencialin ekonomik që e kanë gjashtë vendet e Ballkanit, nëse bashkëpunojnë mes vete.
Ai ka theksuar se është e nevojshme të rimëkëmbet Procesi i Berlinit.
“Para shumë vitesh kemi filluar një proces, i cili duhet të jetë mbështetje për këtë rrugëtim, i quajtur Proces i Berlinit që nga vitit 2014 demostroi se cfarë potenciale ka në bashkëpunimet e gjashtë vendeve të Ballkanit Perëndimor”, ka deklaruar Scholz.
“Dua përsëri të rimëkëmbim dhe të përkrahim këtë proces, është i rëndësishëm avancimi në zbatimin e planit për tregun e Përbashkët Rajonal, i cili u miratua para 2 viteve në Sofje. Garantimi i katër lirive, qarkullimi i lirë i mallrave, të udhëtarëve, kapitalit, është me rëndësi jashtëzakonisht të madhe për tërë rajonin”, ka vijuar ai.