Policia e Kosovës ka njoftuar se sot janë vetëdorëzuar edhe dy të dyshuarit e tjerë për plagosjen që ndodhi disa ditë më parë në Prizren.
Sipas njoftimit të policisë, thuhet se dy pjesëtarë të familjes Likaj janë vetëdorëzuar rreth orës 14:40.
“Hetuesi policor gjate hetimit te rasti ne cilësinë e provave materiale kanë arrit te gjejnë dhe te sekuestrojnë një revole (pistoletë revolver) me mbishkrim 357 MAGNUM, me numër serik 72032 dhe dy fishekë kalibër i panjohur , për te cilën dyshohet se është përdorur”, thuhet në njoftim.
Dhe gjithsej nga gjashtë personat e kërkuar, sot të gjashtit ndodhen në ndalim.
Policia e Kosovës, më 23 maj, ka dhënë detaje lidhur me plagosjen e së mërkurës në Prizren.
Sipas policisë, një person është plagosur me armë zjarri e një tjetër është lënduar me mjete të forta, pas një mosmarrëveshjeje në mes të 11 personave.
Rastin në polici e kishte njoftuar një burrë, i cili ka deklaruar bashkë me dy viktimat se është sulmuar me armë zjarri dhe mjete të forta nga tetë persona të dyshuar.